پاک فوج کے سربراہ جنرل قمر جاوید باجوہ نے اعلان کیا ہے کہ فاٹا کے قبائلی افراد اب وطن کارڈز کے بجائے اپنے قومی شناختی کارڈز کے ذریعے وظائف حاصل کر سکیں گے۔
پاک فوج کے شعبہ تعلقات عامہ کے سربراہ میجر جنرل آصف غفور نے سوشل میڈیا پر اپنے پیغام میں بتایا کہ آرمی چیف نے فاٹا کے قبائلی بھائیوں کو سہولت فراہم کرنے کی ہدایت کی ہے۔
COAS directs for facilitation to Tribal brethren in FATA. Watan Cards earlier issued as ID document for payment of compensation to TDPs no more required. Henceforth CNIC will be taken as ID document. Those without CNIC can use Watan Card till 31 May 18 and obtain CNIC by then.
— Maj Gen Asif Ghafoor (@OfficialDGISPR) 15 February 2018
ڈی جی آئی ایس پی آر نے بتایا کہ پہلے عارضی طور پر بے گھر ہونے فاٹا کے عوام کو معاوضے کے لیے شناخت کے طور پر وطن کارڈز جاری کیے گئے تھے لیکن اب ان سے تصدیق کے لیے قومی شناختی کارڈز لیے جائیں گے۔
میجر جنرل آصف غفور نے کہا کہ جن افراد کے پاس قومی شناختی کارڈز نہیں ہیں وہ 31 مئی 2018 تک اپنے شناختی کارڈز بنوا لیں اور اس دوران وہ وطن کارڈز استعمال کر سکتے ہیں۔
خیال رہے کہ فاٹا میں فوجی آپریشن کے آغاز کے باعث بے گھر ہونے والے افراد کو وفاقی حکومت نے معاوضہ دینے کا اعلان کیا تھا اور اس مقصد کے لیے متاثرہ گھرانوں کی شناختی تصدیق کے لیے وطن کارڈز جاری کیے گئے تھے۔