باجوڑ (باجوڑنیوز) اسسٹنٹ ڈائریکٹر انفارمیشن خیبرپختونخوا ریاض غفور کی حسبان میڈیا کے دفتر آمد ، انہیں باجوڑ حسبان میڈیا کے دفتر آمد پر خوش آمدید کہا گیا اور حسبان میڈیا ٹیم ممبران حنیف اللہ اور محمد بلال یاسر کے جانب انہیں باجوڑ میں حسبان میڈیا ٹیم کی جاری صحافتی سرگرمیوں ، باجوڑ پریس کلب کے خدمات ، باجوڑ میں مختلف ذرائع ابلاغ کے بارے میں تفصیلی بریفنگ دی ۔ جس پر اسسٹنٹ ڈائریکٹر انفارمیشن خیبرپختونخوا نے اطمینان اور خوشی کا اظہار کیا۔ اور حسبان میڈیا کے خدمات کو سراہا۔ انہوں نے کہا کہ حکومت کی کوشش ہے کہ خیبرپختونخوا کے صحافیوں اور بالخصوص قبائلی صحافیوں کو آگے آنے اور ان کی مشکلات دور کرنے کی مکمل کوشش کرے ۔ انہوں نے کہا کہ جس وقت بھی ہماری خدمات باجوڑ کے صحافیوں کو درکار ہوں میں ان کے لیے حاظر رہوں گا۔ حسبان میڈیا ٹیم کے جانب سے انہیں حسبان میڈیا کا قلمی ترجمان ماہنامہ کیمور باجوڑ رسالہ اور ہفت روزہ باجوڑ نیوز اخبار پیش کیا گیا۔
