ضلع باجوڑ: محکمہ جنگلات آفیسر عابد ممتاز کے اعزاز میں پروقار الوداعی تقریب کا انعقاد۔
باجوڑ ( باجوڑ نیوز) تفصیلات کے مطابق ضلع باجوڑ محکمہ جنگلات آفیسر عابد ممتاز کے اعزاز میں پروقار الوداعی تقریب کا انعقاد کیا تقریب کے مہمان خصوصی ڈپٹی کمشنر باجوڑ محمد فیاض خان شیرپاؤ تھے، اس موقع پر انڈر ٹرینگ اسسٹنٹ کمشنر اللہ نواز، انڈر ٹرینگ اسسٹنٹ کمشنر شکیل احمد محمد الیاس رینج فاریسٹ آفیسر میڈیا برادری اور بڑی تعداد میں لوگوں نے شرکت کی۔اس موقع پر گفتگو کرتے ہوئے ڈسٹرکٹ فاریسٹ آفیسر عابد ممتاز نے کہا کہ ضلع باجوڑ میں ڈپٹی کمشنر باجوڑ محمد فیاض خان شیرپاؤ ، ایڈیشنل ڈپٹی کمشنر، اسسٹنٹ کمشنرز کے ساتھ کام کا تجربہ کافی اچھا رہا اور ان سے بہت کچھ نیا سیکھنے کا موقع بھی ملا۔ محکمہ جنگلات باجوڑ گراں قدر خدمات کو ہمیشہ کیلئے یاد رکھا جائے گا۔ڈپٹی کمشنر باجوڑ محمد فیاض خان شیرپاؤ نے محکمہ جنگلات کے آفیسر عابد ممتازکو قرآن مجید کاتحفہ اور اعزازی شیلڈ پیش کی ڈسٹرکٹ فاریسٹ آفیسر عابد ممتاز نے ڈپٹی کمشنر باجوڑ محمد فیاض خان شیرپاؤ کو اپنی طرف سے شیلڈ پیش کی ۔ جبکہ پارٹی میں شریک افسران اور جوانوں نے ڈسٹرکٹ فاریسٹ آفیسر عابد ممتاز کو ہار پہنا کران کیلئے نیک خواہشات کا اظہار کیا۔