باجوڑ۔نئے تعینات ہونے والے ڈسٹرکٹ پولیس آفیسر باجوڑ کاشف ذوالفقار نے چارج سنبھال لیا۔ ترکانی و اتمان خیل قبائل کا خیرمقدم، ڈی پی او کی پولیس لائن باجوڑ یادگار شہداء پر حاضری۔ ڈی پی او باجوڑ کاشف ذوالفقار نے چارج سنبھال لیا۔ چارج سنبھالنے کے بعد انہوں نے پولیس لائن باجوڑ کا دورہ کیا جہاں پر انہوں نے پولیس لائن باجوڑ میں واقع یادگار شہداء پر حاضری دی۔ یادگار شہداء پہنچنے پر پولیس کی چاق و چوبند دستے نے سلامی پیش کی۔ انہوں نے یادگار شہداء پر پھول چڑھائے اور شہداء کی ایصال ثواب کیلئے اجتماعی دعا بھی کی گئی۔ اسکے علاوہ وہ پولیس لائن میں تعینات پولیس جوانوں سے بھی ملے اور انہیں اپنے ترجیحات سے آگاہ کیا۔ باجوڑ کے ترکانی اور اتمان خیل قبائل کے مشران نے نئے تعینات ہونے والے ڈی پی او کاشف ذو الفقار کی تعیناتی کا خیرمقدم کیا اور امید ظاہر کی کہ وہ حکومتی ترجیحات کے ساتھ ساتھ علاقائی و قبائلی روایات کا بھی خیال رکھیں گے اور علاقے جرائم کے خاتمے میں اپنا کردار ادا کریں گے۔ قبائلی مشران نے کہا کہ کاشف ذوالفقار ایک قابل آفیسر ہے باجوڑ میں موجود جرائم کا خاتمہ ہمارا اولین مطالبہ ہے۔
