باجوڑ میں عطائی ڈاکٹروں اور غیر قانونی کلینکس، میڈیکل سٹوریز، لیبارٹریز اور غیر قانونی پرائیوٹ ہسپتال کے خلاف کریک ڈاؤن۔تفصیلات کے مطابق ڈپٹی کمشنر باجوڑ شاہد علی کی ہدایت پر اسسٹنٹ کمشنر خار ڈاکٹر صادق علی نے ڈی ایچ او ڈاکٹر گوہر، ایڈیشنل اسسٹنٹ کمشنرخار-1 اور ڈرگ انسپکٹر کے ساتھ وزیر اعلیٰ خیبرپختونخوا کے عوامی ایجنڈے کی روشنی میں عوامی شکایات پر کریک ڈاؤن کیا۔ اس دوران غیر رجسٹرڈ میڈیکل اسٹورز، فارمیسی، 10 لیبز، چند کلینک، ایک ہسپتال اور متعدد فارمیسیوں کو سیل کیا اور موقع پر ہی یہ غیر قانونی دھندا چلانے والو کو گرفتار کیا گیا، جن کے خلاف قانون کے مطابق سختی سے نمٹا جائے گا۔اس دورے میں میڈیکل سٹور ایسوسی ایشن کے نمائندے شامل تھے اور انہیں ہدایت کی گئی کہ وہ تمام رجسٹرڈ اور غیر رجسٹرڈ سٹورز کی فہرست پیش کریں تاکہ انہیں باجوڑ بھر میں مناسب طریقے سے قانون کے مطابق لایا جا سکے۔ اس کریک ڈاؤن کے موقع پر ڈسٹرکٹ ہیڈ کواٹر ہسپتال خار میں ڈیوٹی اوقات کے دوران پرائیویٹ پریکٹس کرنے والے چند ڈاکٹروں اور ٹیکنیشنز کو معطل کرنے کی سفارش ہسپتال کے ایم ایس اور ڈسٹرکٹ ہیڈ کواٹر ہسپتال خار کے انتظامیہ کو کردی گئی۔
