باجوڑ، ٹمبر مافیا کیخلاف تھانہ سالارزئی پولیس ٹیم کی کامیاب کارروائی۔ غیر قانونی طریقے سے ٹمبر سمگل کرنے کی کوشش ناکام۔ 56 عدد سلپرز برآمد۔ ڈسٹرکٹ پولیس آفیسر باجوڑ کاشف ذوالفقار کے قیادت میں ضلعی پولیس جوانوں کا جرائم پیشہ عناصر کیخلاف کامیاب کارروائیوں کا سلسلہ جاری ہے۔ اس سلسلے میں گزشتہ رات تھانہ سالارزئی پولیس ٹیم نے ٹمبر مافیا کیخلاف کامیاب کارروائی کرکے غیر قانونی طور پر ٹمبر سمگل کرنے کی کوشش ناکام بنادی۔ دوران ناکہ بندی ٹمبر سے لادھا ہوا ایک عدد ڈائنا جس میں ٹوٹل 56 عدد سلیپرز موجود تھے کو اپنے تحویل میں لینے کے بعد مزید قانونی کارروائی کیلئے محکمہ جنگلات کے حوالے کیا گیا۔کامیاب کارروائی پر ڈسٹرکٹ پولیس آفیسر باجوڑ نے تھانہ سالارزئی پولیس ٹیم کو شاباش دی اور انہیں اپنے دائرہ اختیار علاقے میں جرائم پیشہ عناصر پر کڑی نظر رکھنے کی ہدایت کردی۔
