آفتاب عالم نے پہلی، کلثوم اور شمس الدین نے دوسری پوزیشن حاصل کی
مالاکنڈ یونیورسٹی نے بی اے، بی اے سی کے سالانہ امتحانات کے نتائج کا اعلان کردیا بی ایس سی کے امتحان میں 1674 امیدواروں نے حصہ لیا جن میں 1402 طلبہ پاس قرار پائے۔ گورنمنٹ ڈگری کالج ناوگئی باجوڑ کے طالب علم وقاص احمد نے 455 نمبر لیکر پہلی، گرلز کالج ادینزئی کی طالبہ عروج نے 454 نمبر کے ساتھ دوسری اور گورنمنٹ ڈگری کالج باجوڑ کے زاہد خان 452 نمبرز کے ساتھ تیسری پوزیشن حاصل کی۔ بی اے کے امتحان میں 13064 امیدواروں نے حصہ لیا جن میں 2697 پاس قرار پائے، گورنمنٹ ڈگری کالج خانپور کے طالب علم آفتاب عالم نے 399 نمبر لیکر پہلی، پرائیویٹ امیدوار کلثوم بی بی اور باجوڑ کے ڈگری کالج کے شمس الدین نے 397 نمبر لیکر دوسری جبکہ عباد اللہ اور اسامہ نے 395 نمبر لیکر تیسری پوزیشن حاصل کی
