۔وفاقی کابینہ کی حلف برداری کی تقریب ایوانِ صدر اسلام آباد میں ہوئی۔ملک چلانے کے لیے وزیرِ اعظم شہباز شریف کی ٹیم سامنے آ گئی، ن لیگ اور اتحادیوں پر مشتمل 34 رکنی کابینہ نے حلف اٹھا لیا۔حلف اٹھانے والوں میں خواجہ آصف، احسن اقبال، رانا ثناء اللّٰہ، خواجہ سعد رفیق، مریم اورنگزیب سمیت ن لیگ کے 14 وزراء، نوید قمر، خورشید شاہ، شیری رحمٰن سمیت پیپلز پارٹی کے 9 وزراء شامل ہیں۔مولانا اسعد محمود، طلحہٰ محمود سمیت جے یو آئی کے 4 ارکان، فیصل سبزواری اور امین الحق سمیت ایم کیو ایم کے 2 ارکان، ق لیگ کے طارق بشیر چیمہ اور جمہوری وطن پارٹی کے شاہ زین بگٹی نے بھی حلف اٹھایا
