وزیر اعظم جس کو بھی کمیٹی کا سربراہ بنائیں گے اپوزیشن کو فیصلہ منظور نہیں ہوگا،وزیر دفاع پرویز خٹک نے کہا ہے کہ بلاول حکومت کے خلاف عدم اعتماد لاسکتے ہیں تو ہم بھی مقابلہ کرنے کیلئے تیار ہیں۔نوشہرہ میں میڈیا سے گفتگو میں پرویز خٹک کا کہنا تھاکہ بلاول بھٹو کی حکومت کے خلاف عدم اعتماد لانے کی بات آئینی ہے، حکومت کے خلاف عدم اعتماد لاسکتے ہیں تو ہم بھی مقابلہ کرنےکیلئے تیار ہیں۔ ان کا کہنا تھا کہ آصف زرداری سوچ والے آدمی ہیں، ان کو پتہ ہے کونسا راستہ اختیار کرنا ہوگا، سڑکوں پر نکل کر حکومت کے خاتمے کی بات کرنا غلط ہے۔انہوں نے مزید کہاکہ سینیٹ الیکشن اوپن ہو یا سیکرٹ، کامیابی تحریک انصاف کی ہوگی، ہمیں اپنے نمائندوں پر اعتماد ہے۔پرویز خٹک کا کہنا تھا کہ براڈ شیٹ کمیشن کے معاملے پر اپوزیشن کا واویلاسمجھ سے باہر ہے، وزیر اعظم جس کو بھی کمیٹی کا سربراہ بنائیں گے اپوزیشن کو فیصلہ منظور نہیں ہوگا۔
