باجوڑ (باجوڑنیوز) باجوڑ میں رینج فارسٹ آفیسر کی خدمات کسی سے پوشیدہ نہیں ہے۔ ان خیالات کا اظہار پی پی پی کے سنئیر رہنماء اور سماجی کارکن یعقوب کاکا نے اخباری نمائندوں سے بات چیت کرتے ہوئے کیا ۔ یعقوب کاکا نے کہا کہ درخت لگانا صدقہ جاریہ ہے اور ہم کرسکتے ہیں کہ شجرکاری کے ذریعےہم اپنے ملک پاکستان کو سرسبزوشاداب بنائیں ، انہوں نے مزید کہا کہ ریجن فارسٹ آفیسر الیاس نے ارنگ ، برنگ کے بے آب وگیا پہاڑوں سمیت سول کالونی میں ہر جگہ درخت لگوا کر سرسبز بنایاہے جس کی وجہ سے لوگ ان کی تعریف کررہے ہیں ہمیں بھی چاہئے کہ ہم درخت لگانے کے مہم میں بڑھ چڑ کرحصہ لیں اور روشن پاکستان بنانے میں اپنا کردار ادا کریں۔
