۔ ممتاز ماہر تعلیم، سابق ایجوکیشن آفیسر ضلع باجوڑ اور موجودہ ڈسٹرکٹ ایجوکیشن آفیسر نارتھ وزیرستان سعید گل انتقال کرگئے۔ آبائی قبرستان متکو اتمانخیل ضلع باجوڑ میں سپردخاک کیاگیا۔موصوف پچھلے 3 ماہ سے زندگی اور موت کی کش مکش میں مبتلا تھے اور بلآخر زندگی کی بازی ہار گئے۔ وہ کورونا وائرس کا بھی شکار ہوگئے تھے تاہم بعد میں کورونا سے صحت یاب ہوگئے تھے۔اُس نے ضم شدہ اضلاع کے محکمہ تعلیم میں مختلف انتظامی پوسٹوں پرخدمات سرانجام دی۔ ضلع باجوڑ میں بھی ڈسٹرکٹ ایجوکیشن آفیسر تعینات رہے جبکہ موجودہ وقت میں وہ شمالی وزیرستان ایجوکیشن ڈیپارٹمنٹ کے لئے خدمات سرنجام دے رہے تھے۔ مرحوم گزشتہ روز انتقال کرگئے تھے۔ مرحوم کی نماز جنازہ بد ھ کے دن عصر کے وقت ساڑھے پانچ بجے (5:30) رحیم آباد نزد غوبانہ چوکی میں ادا کی گئی۔ نماز جنازہ میں ضم شدہ اضلاع کے محکمہ تعلیم سے تعلق رکھنے والے آفیسر ز، اساتذہ، ملازمین، قبائلی عمائدین، علمائے کرام اور ہر مکتبہ فکر سے تعلق رکھنے والے افراد نے کثیر تعداد میں شرکت کی اور بعد ازاں ضلع باجوڑ کے تحصیل اتمانخیل میں واقع آبائی علاقہ متکو میں ہزاروں آشکبار آنکھوں کے سامنے سپردخاک کیاگیا۔
