تمام اہلکاروں اور افسران کو ویکسین لگائی جائے گی ۔ڈی پی او باجوڑ کوکب فاروق کا کہنا ہے کہ پولیس جوانوں کو ویکسینیشن لگانے کیلئےمحکمہ صحت کے تعاون سے خصوصی ٹیم بھیجی گئی ہے ڈی پی او باجوڑنے کہا کہ ڈپٹی انسپکٹر جنرل آف پولیس ملاکنڈ ڈویثرن عبدالغفور خان افریدی کی ہدایت پر باجوڑ پولیس فورس کے اہلکاروں کو کرونا ویکسینیشن کا عمل جاری ہے، جس میں ٹریفک سٹاف،ڈی پی او آفس کا عملہ اور ٹرینیز کیساتھ ساتھ تمام فارمیشنز کے اہلکار شامل ہیں۔آئی جی پی نے افسران واہلکاروں کی کورونا ویکسینیشن جلد از جلد مکمل کرنے کے احکامات دیے ، ان کا کہنا تھا کہ کورونا سے محفوظ رہ کر ہی پولیس فورس عوام کی خدمت اور حفاظت کی ذمہ داری عمدگی سے ادا کر سکتے ہیں۔
