تفصیلات کے مطابق باجوڑ یوتھ لویہ جرگہ ٹرسٹ باجوڑ برانچ کا افتتاحی تقریب سیوئ ماموند میں منعقد ہوا۔ افتتاحی تقریب میں باجوڑ یوتھ لویہ جرگہ ٹرسٹ کراچی کے مرکزی رہنما ملک وحید کی خصوصی شرکت۔ باجوڑ برانچ کا باقاعدہ افتتاح کردیا گیا۔ ملک کفایت اللہ ماموند کو باجوڑ برانچ کا صدر منتخب کرلیا گیا باقی کابینہ کا انتخاب بعد میں کیا جائے گا۔ افتتاحی تقریب سے ملک سلطان زیب ، ملک محمد آیاز ، ملک گل زادہ ، ملک خالد خان ، اورنگزیب انقلابی ، امیر اتمانی ، مفتی بشیر محمد ، محمد زمان استاجی ، ملک سعید الرحمن ، ملک شاہین خان اور دیگر نے خطاب کیا۔ مقررین نے باجوڑ یوتھ لویہ جرگہ ٹرسٹ باجوڑ برانچ کے افتتاح پر منتظمین کو مبارکباد پیش کی اور ہر قسم کے تعاون کی یقین دہانی کرائی۔ تقریب سے خطاب کرتے ہوئے یوتھ لویہ جرگہ ٹرسٹ کے ملک وحید اور کفایت نے کہا کہ ہم خدمت کا عزم لے کر اٹھے ہیں ہمیں صرف آپ کی سپورٹ چاہیے باقی خدمت ہم کریں گے ۔ انہوں نے کہا کہ کراچی کی طرح باجوڑ میں بھی دکھی انسانیت کی بلا تفریق خدمت ہماری اولین ترجیح ہوگی۔ انہوں نے تمام شرکاء کے آمد کا شکریہ ادا کیا
