باجوڑ، خلوزو فلاحی کمیٹی (رجسٹرڈ) کے جانب سے سینکڑوں غریب اور نادار بچوں میں گرم کپڑے، جیکٹس، سویٹزر اور جوتے تقسیم
تفصیلات کے مطابق خلوزو فلاحی کمیٹی کے زیر اہتمام سینکڑوں بچوں میں گرم کپڑے، جیکٹس، سویٹزر اور جوتے تقسیم کردیئے گئے۔ عید کپڑے، فوڈ پیکج کی تقسیم کی پروقار تقریب ثناء پبلک سکول برخلوزو ماموند میں منعقد ہوئی۔ اس موقع تنظیم کے چیئرمین ملک شاہ ولی خان ماموند، ڈاکٹر عالمگیر، ملک شمش الدین، حاجی سرتاج، محیب خان سمیت کئی عہدیدار موجود تھے۔ تنظیم کے چیئرمین ملک شاہ ولی خان نے کہا کہ ہمارا مقصد بلا تفریق دکھی انسانیت کی خدمت کرنا ہے، ہم عیدین، رمضان المبارک اور دیگر مواقع پر نادار لوگوں کو اپنے خوشیوں میں شریک کرنے کی کوشش کرتے ہیں۔ انہوں نے مزید کہا کہ ہم علاقے مستقل بیماریوں کے حامل افراد کے علاج میں معاونت، یتیم بچوں کو بغیر فیس کے ثناء سکول میں داخل کرانا، سردیوں کے موقع پر گرم لباس اور بنیان تقسیم کرنا، بیرون ملک سے آنے والے علاقاء مسافروں کی میتیں اصول کرنا اور ان کی تکفین و تدفین کرنا ہماری خدمات میں شامل ہے۔ انہوں نے تمام مخیر حضرات سے برخلوزو فلاحی تنظیم کے پلیٹ فارم سے نادار عوام کی امداد کی اپیل کی۔
