باجوڑ، ٹرائبل یوتھ موومنٹ کے زیر اہتمام الفاروق پبلک ہائی سکول میں فری کوچنگ اکیڈمی کے انعقاد کا مقصد علاقے کے غریب بچوں کو بہترین تعلیم کے حصول میں مدد فراہم کرنا ہے۔ ان خیالات کا اظہار ٹرائبل یوتھ موومنٹ کے رہنما اور فری کوچنگ اکیڈمی کے روح رواں مصباح الدین اتمانی نے اکیڈمی کے دورے کے موقع پر کیا۔ انہوں نے کہا کہ اکیڈمی میں بہترین سٹاف کے زیر نگرانی 210 سے زیادہ بچے اور بچیاں زیر تعلیم ہیں۔اکیڈمی میں نویں اور دسویں جماعت کے کلاسز سمیت انگلش لینگویج اور کمپیوٹر شارٹ کورسز کی سہولت میسر ہے۔ اکیڈمی میں بجلی کی لوڈ شیڈنگ کو مدنظر رکھتے ہوئے اسماعیل سنان نے اپنے طرف سے جنریٹر اور اس کے اخراجات برداشت کرنے کا اعلان کیا۔ اس موقع مصباح الدین اتمانی نے کہا کہ ٹرائبل یوتھ موومنٹ فری کوچنگ کے انعقاد میں بھرپور تعاون پر الفاروق پبلک ہائی اسکول کے ایم ڈی فاتح الرحمن پرنسپل اسماعیل اور اکیڈمی کے تمام کوالیفائیڈ سٹاف کا شکرگزار ہے، انشاء اللہ یہ بچے پڑھ کر بہتر مستقبل بنائیں گے اور اپنے علاقے کی خدمت کریں گے۔
