باجوڑ۔ ثناء سکول سسٹم برخلوزو ماموند کے زیر انتظام ثناء ویلفئیر ٹرسٹ نے 60 یتیم طلباء و طالبات میں میں گرم سویٹرز، جوتے، جراب وغیرہ تقسیم کرکے دیگر سکولوں کیلئے مثال قائم کردیا۔ منعقدہ تقریب سے خطاب کرتے ہوئے ثناء ویلفیئر ٹرسٹ کا چیئرمین شاہد علی نے کہا کہ ثناء سکول سسٹم کے طلباء ہر ہفتہ سکول طلباء دس، دس، بیس بیس روپے ڈونیشن کرتے ہیں۔ جس پر سکول میں زیر تعلیم یتیم طلباء کیلئے یونیفارم،کُتب، نوٹ بُکس اور دیگر اشیاء پر خریدی جاتی ہے۔انہوں نے کہا کہ میری تمام سرکاری و غیرسرکاری سکولوں کی انتظامیہ سے درخواست ہے کہ وہ بھی یتیم اور غریب طلباء کی ضروریات کیلئے یہی طریقہ اپنائیں۔کیونکہ یہاں بغیر کسی مشکل اور تکلیف کے باعزت طریقے سے یتیم اور مستحق طلبہ کی ضروریات پوری ہوجایا کرے گی۔
