باجوڑ میں ایک لاکھ71ہزار979 افراد پہلی بار ووٹ ڈالیں گے۔ 8فروری کو ہونیوالے عام انتخابات کے موقع پر ضلع باجوڑ میں 171979نئے ووٹرز اپنا ووٹ ڈالیں گے۔ جن میں اکثریت خواتین ووٹرز کی ہیں۔ باجوڑ میں پانچ سال کے دوران 171979نئے ووٹرز رجسٹرڈ ہوئے جن میں 74249مرد ووٹرز جبکہ 97730خواتین ووٹرز رجسٹرڈ ہوئے ہیں۔الیکشن کمیشن دفتر باجوڑکے اعداد شمار کے مطابق 2018کے عام انتخابات کے بعد سے اب تک ضلع باجوڑ میں ایک لاکھ71ہزار 979ایسے نئے ووٹرز کے ووٹ رجسٹرڈ کرائے جاچکے ہیں جو2018کے انتخابات میں اپنی کم عمری کی وجہ سے ووٹرز بننے کے اہل نہیں تھے۔ باجوڑ میں سال 2018کے عام انتخابات میں رجسٹرڈ ووٹرز کی تعداد492732تھی جبکہ سال2024میں یہ تعداد664711تک پہنچ گئی ہیں۔
