ڈپٹی کمشنر باجوڑ فیاض شیرپاؤ کے ہدایت پر ایڈیشنل اسسٹنٹ کمشنر خار ون شیر رحمان نے گورنمنٹ ہائی سکول غنی آڈہ ، بی ایچ یو غنی آڈہ اور بی ایچ یو ڈبڈبو کا دورہ کیا۔ غنی آڈہ ہائی سکول دورے کے موقع پر سٹاف کی حاضری اور سکول کی صفائی چیک کی گئی جس کو ٹھیک پایا گیا۔ انہوں نے زیر تعمیر امتحانی ہال کا بھی معائنہ کیا اور تعمیراتی کام کو تیز کرنے کی ہدایت کی۔ انہوں نے بی ایچ یو ڈب ڈبو اور بی ایچ یو غنی آڈہ کا بھی دورہ کیا اور وہاں پر سٹاف کی حاضری ، صفائی انتظامات اور ادویات کا ریکارڈ چیک کیا گیا۔ دورے کے موقع پر بی ایچ یو ڈب ڈبو میں سولر سسٹم اور پانی کا فقدان پایا گیا۔ ان کو بتایا گیا کہ سولر سسٹم اور پانی کا انتظام نہ ہونے کیوجہ سے سٹاف اور عام مریضوں کو مشکلات کا سامنا رہتا ہیں۔ ایڈیشنل اسسٹنٹ کمشنر شیر رحمان نے کہا کہ ڈسٹرکٹ ہیلتھ آفیسر کو یہاں بھیجنے کیلئے ہدایت کی جائیگی تاکہ وہ سولر سسٹم اور پانی کا انتظام کریں۔ انہوں نے یقین دہانی کی کہ مذکورہ مسئلوں کے حل کیلئے اقدامات کی جائیگی۔
