باجوڑ، انسداد پولیو مہم کو کامیاب بنانے کیلئے مشترکہ کوششیں کریں گے۔ ان خیالات کا اظہار مقررین نے باغبان ہوٹل سیوئی تحصیل واڑہ ماموند میں کم نٹ کے زیر اہتمام 16 جنوری سے شروع ہونے والے پولیو کمپین کے حوالے سے منعقدہ آگاہی تقریب سے خطاب کرتے ہوئے کیا۔ تقریب میں پاکستان پیپلز پارٹی کے سینئر رہنما ملک سعید الرحمان، پولیو کمیونیکشن آفیسر روح الامین مولانا ضیاء الرحمان، پاک باجوڑ ویلفیئر ایسوسی ایشن کے بانی گل شاہ زیب باجوڑی، کسان کونسلر گل شریف کے علاوہ کئی اہم سیاسی، مذہبی اور علاقائی مشران و قائدین نے شرکت کی۔ اس موقع پر مقررین نے آنے والے پولیو کمپین کو کامیاب بنانے کیلئے تمام باجوڑ کمیونٹی سے پرزور اپیل کی کہ اپنے پانچ سال سے کم تمام بچوں کو پولیو کے ویکسین پلائیں اور پولیو ٹیموں سے مکمل تعاون کریں۔
