ضلع باجوڑ میں ضلعی انتظامیہ اور سیکیورٹی فورسز کے اشتراک سے باجوڑ سپورٹس کمپلیکس میں پاکستان سپورٹس فیسٹول 2023کا باقاعدہ آغاز ہو گیا
پاکستان سپورٹس فیسٹول میں ضلع باجوڑ کی تمام تحصیلوں سے کرکٹ, فٹبال, والی بال, باسکٹ بال ،تایکوانڈو، رسہ کشی، اور ایتھلیٹکس سمیت دیگر اہم کھیلوں کی پانچ سو سے زائد ٹیمیں حصہ لے رہی ہیں. اس سلسلے میں باجوڑ سپورٹس کمپلیکس میں افتتاحی تقریب بڑے جوش و خروش سے منعقد ہوئ. افتتاحی تقریب میں سپورٹس فیسٹول میں حصہ لینے والے کھلاڑیوں, آفیشلز, ضلعی انتظامیہ اور سیکیورٹی فورسز کے عہدداران، ضلعی عمائدین، اور بڑی تعداد میں علاقہ کے نوجوانوں سمیت زندگی کے مختلف شعبوں سے تعلق رکھنے والے لوگوں نے شرکت کی. افتتاحی تقریب میں سپورٹس فیسٹول میں حصہ لینے والی ٹیموں نے مارچ پاسٹ کیا اور مختلف سکول کے بچوں نے ٹیبلوز پیش کئے.
ڈپٹی کمشنر باجوڑ فہد وزیر اور کمانڈنٹ باجوڑ سکاؤٹس راؤ عمران سرتاج کا دوستانہ ماحول میں ضلعی عمائدین کے درمیان رسہ کشی کا مقابلہ ہوا جس میں ڈپٹی کمشنر باجوڑ فہد وزیر نے سنسنی خیز مقابلہ جیت لیا
اس موقع پر آئے ہوئے تماشائیوں نے ضلعی انتظامیہ باجوڑ ، باجوڑ سکاؤٹس اور باجوڑ پولیس اور کا شکریہ ادا کرتے ہوئے کہا کہ اس طرح کے صحت افزا فیسٹول منعقد کروانے پر وہ ان اداروں کے شکر گزار ہیں. پاکستان سپورٹس فیسٹول ضلع باجوڑ میں 23 مارچ تک کھیلا جائے گا