باجوڑ میں پہلی مرتبہ باجوڑ سپورٹس کمپلیکس پر انڈر 21 فٹ بال ٹورنامنٹ کا انعقاد۔ تفصیلات کے مطابق باجوڑ سپورٹس کمپلیکس میں ضلع باجوڑ کے تاریخ میں پہلی بار انڈر 21 فٹ بال ٹورنامنٹ کا باقاعدہ افتتاح کیا گیا فٹ بال ایسوسی ایشن کے صدر عبدالحکیم، جنرل سیکرٹری عزت یوسف، سپورٹس ڈیپارٹمنٹ کے وحید گل، عاجز کرکٹ اکیڈمی کے بانی اظہار الحق نے باقاعدہ افتتاح کیا۔ فٹ بال ایسوسی ایشن کے صدر عبدالحکیم نے کک لگاکر باقاعدہ آغاز کیا۔یادرہے کہ یہ ٹورنامنٹ فٹ بال کے نوجوان کھلاڑی ارشد خان، نعمان خان اور حیدر خان آرگنائز کررہے ہیں جوکہ ایک بہترین ایونٹ ہیں۔ کھلاڑیوں سے خطاب کرتے ہوئے فٹ بال ایسوسی ایشن کے صدر عبدالحکیم اور وحید گل نے کہاکہ یہ ضلع باجوڑ میں فٹ بال کے نوجوان کھلاڑیوں کیلئے ایک بہترین پلیٹ فارم ہیں جس میں وہ اپنے کارکردگی دکھا کر ضلع باجوڑ اور پاکستان لیول کے فٹ بال ٹیم کیلئے رسائی حاصل کرسکتے ہیں۔
