باجوڑ۔ پاکستان پیپلز پارٹی کے زیر اہتمام شہید بے نظیر بھٹو کی برسی عقیدت و احترام سے منائی گئی، آنے والے الیکشن میں پاکستان پیپلز پارٹی کے امیدواران باجوڑ میں جیت کر چیئرمین بلاول بھٹو کے اعتماد کی لاج رکھیں گے۔ حاجی شیر بہادر۔ تفصیلات کے مطابق پاکستان پیپلز پارٹی کے زیر اہتمام چٹان ہاؤس میں شہید بے نظیر بھٹو کی برسی عقیدت و احترام سے منائی گئی۔ اس موقع پر باقاعدہ طور پر الیکشن کمپین کا آغاز بھی ہوگیا۔ تقریب کی صدارت ضلعی صدر اور پی کے 20 کیلئے امیدوار حاجی شیر بہادر اور این اے 8 امیدوار سید اخونزادہ چٹان نے کی۔ تقریب میں پی کے 21 امیدوار انیس خان، پی کے 22عبداللہ ایڈوکیٹ، ملک خان زیب سمیت دیگر سینئر رہنماوں نے شرکت کی۔ اس موقع پر پارٹی کے دیگر قائدین اور کارکنان نے بھی کثیر تعداد میں شرکت کی۔ مقررین نے خطاب کرتے ہوئے شہید بے نظیر بھٹو کی زندگی اور قربانیوں پر روشنی ڈالی اور اس عزم کا اظہار کیا کہ وہ پارٹی کے ترقی کیلئے ہر ممکن کوشش کریں گے۔
