باجوڑ۔پاکستان پیپلز پارٹی اقتدار میں آکر غریب دوست پیکجز لائے گی۔ سید اخونزادہ چٹان ۔تفصیلات کے مطابق علاقہ ماندل کے گاؤں مرخنئی حلقہ PK-21 NA-8 میں پاکستان پیپلزپارٹی کا ایک بڑا شمولیتی پروگرام منعقد ہوا جس میں کثیر تعداد میں لوگوں نے دیگر پارٹیوں سے مستعفی ہوکر پاکستان پیپلزپارٹی میں شمولیت اختیار کی۔پروگرام سے NA-8 کے امیدوار اخونزادہ چٹان، PK-21 کے امیدوار انیس خان، صدر حاجی شیر بہادر سلارزئی، انفارمیشن سیکرٹری محمد شکیل، ملک خانزیب، لعل بادشاہ، داؤد، ڈاکٹر احسان اور مشتاق نے نے خطاب کیا۔شمولیت اختیار کرنے والوں کو پارٹی کی ٹوپیاں پہنا کر مبارکباد دی۔ اہلیان ماندل نے پیپلزپارٹی کی امیدواروں کی مکمل حمایت کا اعلان کرتے ہوئے عہد کیا کہ پیپلزپارٹی کے امیدواروں کو کامیاب کریں گے۔
