تفصیلات کے مطابق وفد ملا عبدالغنی برادرکی قیادت میں آج رات قطر کے دارالحکومت دوحہ سے اسلام آباد پہنچےگا،قطر میں افغان طالبان کے سیاسی دفتر کا وفد آج دورہ پاکستان پر اسلام آباد پہنچے گا۔ذرائع کے مطابق افغان طالبان کے سیاسی دفتر کا وفد ملا عبدالغنی برادر کی قیادت میں آج رات قطر کے دارالحکومت دوحہ سے اسلام آباد پہنچےگا۔ ترجمان دفتر خارجہ کے مطابق افغان طالبان کے وفد کو پاکستان کی جانب سے دورے کی دعوت دی گئی ہے، وفد کے ساتھ افغان امن عمل میں پیش رفت پربات چیت ہوگی۔ذرائع کا کہنا ہے کہ افغان طالبان کو وزیر خارجہ شاہ محمود قریشی نے دورے کی دعوت دی تھی۔ذرائع کے مطابق وفد افغان دھڑوں کے درمیان مفاہمتی عمل کے حوالے سے پاکستانی قیادت سے بات چیت کرے گا۔
